「白日夢加自私 能夠摧毀自己和所有愛我的人。」

哩派透過Wechat嘅朋友圈先知道KK嘅阿爸過左身 :(，知道呢個消息嘅時候真係好驚訝。驚訝嘅不止係有人過身，而係咁大件事係用呢種方式知道。

我同KK係高中過度都曾經係至好至好嘅F，曾經無話不說，時時刻刻黐埋一起。但是因為一D小事（可能當時認為係好嚴重咁）而產生咗gap。雖然高三好返咗，但是始終都返唔去之前。到咗大學每年有時間都會聚下，果陣其實都唔係好著緊friendship呢地嘢，「年少輕狂」嘛，到咗大個，入咗社會，先知friendship對自己嚟講係幾咁重要。當時都有想去彌補返嘅，但是有啲嘢過咗就係過咗，個time走咗，想追都追唔返。

以往每年大家（高中呢班同學）過年都會聚下，但係今年因為肥豬值班、jo結婚仲大個肚、kk冇主動call人，今年過年就係咁過咗。我都係如往常一樣，被動咁接受，冇人call就係屋企宅住。如果我肯主動返小小，或許都可以幫到佢哋。

有時friendship或者係其他感情就係咁，跟住時間一齊走咗。如果你不去追，佢哋好難會一直留返你身邊。我唔係個善於溝通嘅人，亦都唔知點去同人傾該、寒暄。賣咗部iPhone合約機兩年，每個月送240分電話，月月都剩返200多用無曬。哎，可能都會因為咁孤獨一世掛。

「我到底邊度好？」

有時都不禁咁問自己，見到身邊咁多人對我好，而我卻不斷咁令佢哋失望甚至係傷心….

或者係因為我從未正正經經咁拍過拖，唔知咩係責任、咩係擔當、咩係男人。處理起好多嘢都係以自我為中心，唔顧及第個人嘅感受，自己嘅心智可能都好低。至少從我個外甥仔出世到依家五年，我始終都覺得我點去湊個崽？雖然我都好錫我外甥，但是每當佢「熊孩子」本性露出嘅時候，我就會覺得好煩，如果將來我有個咁嘅仔，我會唔會將佢丟埋一邊？我都唔系「好大個人」，點去養個仔…雖然我「幻想」嘅生活係生兩個BB，但是如果呢一切發生咗嘅話，我可唔可以Handle到？

「又係一個決定….」

忽然就唔想做部門經理了。可能係受夠咗，可能係真正撈唔到乜嘢，已經向上頭提出咗轉回專心做PM。去年應承當經理，結果上頭只係加咗300每月嘅人工，我都忍咗，因為我仲未有好大嘅底氣話我要多少，但是今年唔同，舊年通過自己嘅努力，可以咁話我都係全公司上下最優秀嘅PM，冇之一，唔單只自己嘅業績，包括自己嘅業務技能、時間管理等等都係眾多PM之中最好果個，雖然過年挪到嘅年中花紅有成萬蚊咁多（我出來打工最多嘅一次），但是都覺得好唔抵，因為今年又要做500蚊經理，呢地同我自己的價值好唔同，我所想到嘅經理至少係普通員工人工嘅一倍咁多，而呢間公司真係有點出奇。

就係咁我辭咗個職位，專心打拼我嘅業績，雖然過年少咗大筆錢，但係相信每個月嘅收入唔會少。

「偶然遇上的驚喜」

人生命中會遇到好多嘢、好多人。你所遇到嘅每一件事、每一個人都係上天賜予俾你嘅驚喜也好、磨煉都好，你都需要珍而重之。雖然我有時會將D嘢推開，但是都有好感激嘅驚喜。往後嘅日子，仲要繼續多學習處世之道，仲有唔好忘記咗六月份嘅six pack大限~ （依家體重已經到咗62.4，只需繼續操fit個身！）

共勉之！