幾耐都未PO文了。

「愛情」

空窗空窗再空窗，都唔知自己會行到邊一步。

同Monica都係不溫不火，試問自己都未有幾瞭解佢，亦都冇乜本事可以許低任何承諾。

每一步行起身都會好小心，雖然仍未見乜掣肘，但係都覺得佢係個十分之優秀嘅女仔，其實都有小小擔驚佢有一日會同第個人走咗。。。

「生活」

九月至尾，經已立秋。

今日食咗今年第一日月餅，仲係至小最愛食嘅「生油餅」。記得舊年生油餅都只要一蚊五，每晚睇咁電視個陣，都會同爸爸一人一半。今年漲到成三蚊，不過好彩個味仲未變，雖然係一個人獨食咗成個餅，但是都幾希望可以繼續同爸爸分一半。過幾天國慶假期，返去探佢啲一定要行哩一個程序~

其他生活其實都未有太大嘅變化，週一至週五返工，週末唔返企就係訓懶覺，打打機，睇下影片，就完咗。

「有時人就會在不經意之間拒絕改變，拒絕改變所帶來的變改。但是，只要你未踏出這一步，你仍然不知道改變是好是壞。」

眼見「音樂是岸」經已成月未有update，其實個心都係幾慌同埋愧疚，不敢再去打開自己親手創辦嘅網站，不敢再去關注哩方面嘅消息，哩個就係的自己的 刻意迴避式嘅「逃避」。但是避得了一時，避唔到一世。

「工作」

近兩個月，自己都處理咗唔少嘅Project，都有D進步，但係都覺得自己係原地踏咁步，來到哩個公司已經一年了，只係轉正個時加過一次人工（雖然算係加的較多嘅，但都唔系最多嘅果個），至今已經有成九個月未加過人工，照正常來睇，半年討論一次薪資先算比較正常。

傾到職位嘅promotion，都未有任何消息，雖然算起身在長沙嘅三個PM內，我係最有希望往上升嘅一個，但係都唔知需等幾耐，睇下年尾先講啦。不過同係一個分公司，我都算係最先入到嘅員工，卻被半年後先加入嘅財務/人事先升咗，自己未免都有小小傷感lor，加埋近派同老大嘅矛盾不時有來，自己都覺得自己付出嘅太多，但是老細嘅認同太少，心都灰咗不少。

雖然自己都同自己規劃過，至多係哩個公司呆埋三年，然後去外企或者大公司挑戰D難度高企嘅職位。但係都估唔到第一次嘅疲倦感來嘅咁早。

套用學民嘅口號「事業會戰勝歸來，後有奇諾承接這變改。」

「事業」

自己都為自己計過，就係從PM（Project Manager）到另一個PM（Product Manager），兩者共通之處頗多，相信發展都唔係太過難。

「不需專才，但需通才」PM係個不斷累積嘅職業，即使有一日你丟咗份工，你學到嘅嘢其他人係摞唔走嘅。

对自己下一步嘅路，大概就係從盲目做嘢，過渡到有針對性做嘢，學會積累。