「吾血尚温」

已經有很長一段時間大陸網路環境惡劣，Google 上唔到，host需要時常更換，GAE更係唔穩定，我都不得不天天搜尋可用IP來繼續日常生活同辦公所用。有一次係GAE嘅issue list睇到有人問「係乜支撐梗作者繼續落去？」，作者只覆咗一句「吾血尚温」。雖然係簡單嘅四個字，當時睇到都十分感動。係啊，只要你還活著，仲驚乜？
人最矜貴嘅嘢就係始終有一樣你係堅持緊，GAE嘅作者不求回報，只為公義，一直更新緊程式。

近派我都開始為咗明年嘅「變好」堅持咗D嘢。例如每日下晝食兩個雞蛋，至少兩晚一次夜跑（為此都購置咗D跑步裝備）操fit個身，做Facial，儘量早訓，用薄荷糖戒檳榔等等。至少要趁住「吾血尚温」再大幹一場。

凛冬将至
今個月，又有一個同事跳船走咗，係同我同時退落來嘅語言部前Leader，原因都係因為公司對待中層涼薄，「300蚊經理」竟然用到依家。今年嘅冬天公司肯定會好難捱掛。不過聽到D消息對我嚟講都不痛不癢，因為呢D其實都可以預見到，真係發生嘅時間都唔會太出奇。雖然我剩返嘅日子都不多，不過好彩嘅係，最近都得到咗一個千載難逢嘅機會，（語言部一位同事可以去過美國蘋果總部做新品發佈會翻譯都羨咗我好耐），公司一個英國客戶需要一個PM打理佢哋一個客戶亞太區辦公室（8個）嘅服務，咁機會嚟咗我當然唔會縮手了，今次都好俾心機咁去促成呢件事（因為呢個客係英企，同埋在LSP2014排名中排到前20），不過夾埋公司同個客中間去打理另一個客戶都幾有難度，不過正啱我，對我都係一次挑戰，同埋呢種經歷都好難得，對我以後發展應該都會帶來諸多好處。

「呃…」
最近有位同事向我表白了，其實一直以來都感覺到了，加之上次忽然跟我說要來我家「蹭AD」，可惜嘅係冇feel，始終不能在一起。希望我回覆嘅方式未hurt到佢。

「衣著」

最近開始清空同整理自己嘅衣櫥，跟住發現一個十分之可笑嘅事情。穩到D大學時期的衫，結果果陣嘅碼數都是XL碼，工作前兩年的衫，大部分是L和XL，今年嘅衫，大部分轉為M同少量L。這的確是一件該反省嘅嘢，我之前嘅形象原來一直都係咁樣。